У Італіі вывяргаецца вулкан, міжнародны аэрапорт закрыты, рыхтуюцца планы эвакуацыі. Паглядзіце на фотаздымках, што там адбываецца

На поўдні Італіі пачалося вывяржэнне вулкана Этна, размешчанага на востраве Сіцылія. Улады былі вымушаныя часова закрыць аэрапорт Катаньі, другога па велічыні горада на гэтым востраве: яго вуліцы засыпаныя чорным вулканічным попелам. Меншая актыўнасць назіраецца на вулкане Стромбалі, размешчаным на аднайменным востраве побач з Сіцыліяй. Дэпартамент грамадзянскай абароны Італіі абвясціў найвышэйшы, чырвоны, узровень трывогі для Стромбалі, папярэдзіўшы, што сітуацыя можа пагоршыцца. Магчымая эвакуацыя насельніцтва — улады рыхтуюць адпаведныя планы. Што адбываецца на поўдні Італіі, глядзіце на фотаздымках Reuters.